تبادل عدد من رواد مواقع التواصل الاجتماعي مجموعة من الصور للنجم أحمد السقا وهو برفقة شقيقته الحسناء، وذلك بعدما نشرتها الإعلامية راندا جبر على حسابها الرسمي بموقع إنستجرام.
حيث ظهر النجم أحمد السقا وهو برفقة والدته وشقيقته التي خطفت الأنظار بجمالها، وعلى الفور تفاعل العديد من الجمهور مع الصور المنشورة وأنهالت التعليقات التي تشيد بجمالها مؤكدين أنها لم تشبه شقيقها السقا.
جدير بالذكر، أن فاطمة السقا كانت قد ردت على النجمة مها أحمد عندما هاجمت أحمد السقا وأحمد كرارة بعد عرض مسلسل ” نسل الأغراب”، حيث قالت عبر منشور بموقع “فيسبوك“: “الكلام ده موجه ليكى يا أستاذة بدل ما تفضلى تمسحى ردى كل شوية، ابهرتينى يا مها بأخلاقك العالية وانك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس”.
واضافت فاطمة: عرفتى تقولى عليه “ندل” اللى هو احمد السقا، بس انا بقولك قدام الناس قطع لسان اى حد يقول عليه كده لانه راجل اكرمك ووقف جنبك انتى و مجدى بدل المرة ألف.. وامير كراره بردو راجل جدع ومحترم للى ما يعرفهوش فى البوست بتاعك ده، معرفش ايه الفرص اللى كانت عندك اللى كان يتمنى يشتغل معاكى فيها زمان بس هو اى حد يتمنى يشتغل معاه دلوقتى اكيد”.
أضافت: “كلمة الدور بينادى صاحبه دى بتاعة افلام، ما بتتقالش فى الحقيقة، كفايا دراما وتشويه للناس، وبعدين هما كممثلين مش مطالبين يقفو جنبك ولا يجيبولك ادوار على فكرة، دى رؤية مخرج وناس بتوع كاستنج.. الحقيقة انا مش عارفة انتى عايزة ايه، انا مش شايفة بعد العشرة الطويلة اللى انتى قولتى عليها غير كمية الحقد والسواد والشماتة اللى كانو متداريين ورا ابتسامة كدابة معرفش انتى ازاى كنتى بتدخلى بيوتنا الصراحة وانتى ست وحشة كده”.
