طيب يا أدهم انا هاخد ماما ونروح نقعد عندها في بيتها
وانا
عايز ايه
هو انا مش جوزك وليا حق ليكي هتسبيني انا وتروحي تقعدي مع امك
معلش هقعد فترة صغيرة لحد ما حالتها تتحسن
لا يا نادية بيتك مش هتسبيه وامك هي اللي هتمشي
هتمشي يا أدهم وانا همشي معاها
شكلك مش ناوية تجبيها ل بر
لو ماما مشيت انا همشي معاها يا أدهم
فضلت ثابتة على موقفي قدامه لحد ما عدا اليوم معرفتش انام حاولت كتير ومش عارفة وتقريبا
حسيت بيه وهو بينزل الصبح رايح الشغل بعدها بشوية قومت صحيت ماما وفطرنا حبيت اغير الملل شوية وكلمته
أدهم حبيبي انا عملالك النهاردة كل الاكل اللي بتحبه تعالى بسرعة مستنياك مش هناكل من غيرك
حاضر جاي علطول
رده كان هادي الحمدلله و محستش منه ب اي عصبية او نرفزة
استنيت لحد ما جه معاد رجوعه وفعلا سمعته بيفتح باب الشقة و رزع الباب انا كنت في المطبخ بحضر الاكل و امي كانت قاعدة برا في الصالة وبدون أي مقدمات قال