في اليوم التاني عند يحيي…
الحما….
مالك يا يحيي مش على بعضك ليه..
يحيي…
ما فيش حاجه يا ماما بس من بعد ما مشيت مروه حياتي بقيت متلخبطه
الحما…
ما انا قلتلك تتجوز نشوى رسمي
يحيي…
هو انا كنت متجوزه صوري عشان اتجوزها رسمي يا ماما..
الحما…
اقصد يعني التمثيليه اللي عملناها على مراتك نقلبها جد والبنت بتحبك وعينها منك من زمان بس انت اللي زي القرع بتمد لبره
يحيي…
لا يا ماما نشوى لو اخر بنت في الدنيا انا مش هتجوزها انتي ناسية أنها بنت متدلعة…
الحما…
يكونش تفكر عايز ترجع مراتك تاني بعد ما سابت البيت من غير اذنك ومشيت
يحيي….
مروه مش اول واحده تعمل كده ولا اخر واحده تعمل كده كمان انا بصراحه زودتها
فلاش باااااك…
مروة…
في اي يا يحيي انت داخل تتسحب زي الحرامية كدة ليه ..
يحيي…
انا سامع صوت راجل هنا مين معاكي…
مروة…
انت شكلك اتجنيت او شكلك شارب حاجه فوق يا يحيى انا مروه مراتك مش واحده شاقطها من الشارع..
يحيي..
انا فايق وعارف انا بقول ايه انا سامع
صوت ضحك وهزار وصوت راجل في البيت..
مروة…
ده صوت التليفزيون ….ولما أنا سمعت صوتك وانت داخل تتسحب زي الحرامية وطيت الصوت..
يحيي…
وطيتي الصوت ولا قلتيله يستخبي
مروة…
انا زهقت منك ومن شكك ده.. في الشقه قدامك كلها فتش لو لقيت فيها حتى برص ابقى قول اللي انت عايز تقوله…. فجأة مروه بتعلي صوت التلفزيون
مروة…
اتفضل مش هو ده صوت اللي سمعته.. مش ده صوت الراجل اللي بتقولي عندك راجل في البيت..
يحيي بتوتر…
يا حبيبتي انا كنت بهزر معاكي وبعدين انت عارفه الغيره بتاعتي معقول يعني اشك فيك…. مش ده محمود ياسين ايوه عارفه حلو فعلا الفيلم ده احنا هنسمعه مع بعض…
مروة بتريقة…
صدقتك انا كده صح اسمعي لوحدك انا داخلة انام بس اعمل حسابك ان الوضع ده انا مش هسمح ولا هقبل بيه…
يحيي…
يعني ايه مش هتقبلي بيه انت مش عارفه انا ده طبعي من الأول وكنتي فرحانة بالغيرة بتاعتي…
مروة…
ما كنتش اعرف انها شك وانا هتحول حياتنا الچحيم انا بقيت اخاڤ تليفوني يرن من اي حد من اهلي ولا من اصحابي او حتى من ماما لا تشك اني بكلم حد..
يحيي…
وانت يعني لازم تكلمي اهلك ما يجوا يزوروكي..
مروة…
نهارك اسود يا يحيي… هي لحقت للدرجه دي كمان بصراحة انت زودتها قوي وانا من بكره هسيب البيت..
يحيي…
قولي كده من الاول انا كنت شاكك انك شايفالك شوفه…. بس انا اللي كنت بحاول اضحك على نفسي…
مروة…
عمرك ما هتتغير عمرك ما هتتغير يا يحيى وانا غلطانه اني كل مره بعدي واقول بكره هيتغير بكره هيتغير بس انت زي في عمره ما هيتعدل..
باااااك
لتكملة القصه اضغط على الرقم 11 في السطر التالي
